കൊച്ചി: സാങ്കേതികമായ തകരാറിനെ തുടർന്ന് കൊച്ചി മെട്രോ സർവീസ് തടസപ്പെട്ടു. എംജി റോഡ് സ്റ്റേഷനിൽ ഒരു മെട്രോ ട്രെയിനിന് സാങ്കേതിക തകരാർ സംഭവിച്ചത് മൂലമാണ് മെട്രോ സർവീസ് അരമണിക്കൂറോളം വൈകിയത്.

നിലവിൽ സർവീസുകൾ പുനരാരംഭിച്ചിട്ടുണ്ട്. എന്നാൽ ഓരോ സ്റ്റേഷനിലും അഞ്ചുമിനിറ്റോളം നിർത്തിയിട്ട ശേഷമാണ് സർവീസുകൾ നടക്കുന്നത്. എംജി റോഡ് സ്റ്റേഷനിൽ എത്തുന്ന ട്രെയിനുകൾ 15 മിനിറ്റോളം പിടിച്ചിടുന്നുണ്ട്.